1st Paglambo Regional Creative Writing Workshop on Flash Fiction 2019

7:28 PM


Laing workshop session nga natapos, laing kasinatian nga nadungag hilabi na sa pagsulat og flash fiction. Wala kaayo sa akong hunahuna ang magsulat og sugilagming (Binisaya sa Flash Fiction) pero human sa mubo pero mahinungdanong duha ka adlawng session sa 1st Paglambo Regional Creative Writing Workshop 2019 on Flash Fiction, apil na kini sa mga butang nga kinahanglan nakong pagasulaton. Nasobraan na sad guro kog damgo: buot kong makapatik og mga minugnang sugilagming o diba kaha ipauban nako sa mga mubong sugilanon.

Bibo sad biya ang engagements sa mga fellows ug sa mga panelist diha sa pag-inambitay sa ilang mga hunahuna mahitungod sa nagkalain-laing piyesa. Gawas sa mga komento sa mga panelist mas interesado ko kon unsang klase sa mga sugilanon, mga naratibo, ang akong masinatian ug madungog gikan ning akong mga co-fellows. Wa gyod nasipyat ang akong gidahom.

Mao ni ang nakanindot sa mga workshop: gawas sa mahimo kang parte sa usa ka literary, artistic nga discussion mao sad ni panahon diin makadungog ka sa nagkalain-laing mga sugilanon sa mga kauban nimong fellows.

You Might Also Like

0 ka komento

Blog Archive