mibundak ang ulan, nakadungog kog mga pagkanta*

Hulagway gikan sa Elite Readers.

miginhawa sa lasang ang gabon
ang mga kahoy nahimong mga inalisngaw nga anino
sa mga sugilanong nagkatipak-tipak
diri- among giisa ang mga bandera
gihablon sa among nagkahiusang damgo
ug mga panaad sa kaisog ug
pag-antos.

lusot niining mga punoan
naupaw nga kabukiran
ug umahan nga gitikad
sa gikubalang kamot sa mga mag-uuma
daw usa ka hardin diin gipangatiman ang mga binhi
sa paglaom aron motubo
pag-abot sa ilang panahon.

mibundak ang ulan
nakadungog kog mga pagkanta, kanta sa kagawasan
klaro ug makusganon
nagpadulong na ang kusog nga hangin
akong kalag nakatan-on
nga mosayaw uban sa mga kahoy
Mabdos ang lasang
Sa daghan pang kadaogan.

------------------
*usa ka pagsulay (isip hinapos nga pagsaulog sa Nasodnong Bulan sa Alampat) sa paghubad sa balak ni Maya Daniel nga "the rain falls, i hear songs" nga unang gipatik sa iyang blog: .

Para sa dugang kasayoran mahitungod kay Maya Daniel: click here.