(Balak) Être Sensible sa Imong Istante

Wala pa ba nangatagak 

Ang tinagoang libro-balak 

Human sa sunod-sunod 

Nga pagtay-og-padugo sa Israel 

Sa kayutaang Palestina? 

 Wala pa ba nataktak 

Ang abog nga midikit sa librong 

Dihang gipaspasag papha 

Ang katawhang Rohingya 

Daw narapo lang og lama sa lamesa?

 

 Ang imong Bibliya kaha? 

Mao pa ba ang posisyon niini 

Sa kinaulahiang prayer meeting 

Para sa liboang kalag 

Nga gihalad ni Digong ug Bato kay Kamatayan? 

 Barog ydiote! Sulayig lili! 

Basig nagbalintong-baliskag na 

Ang imong Durado sa gamuog nga salog, 

Sa abog ang Dostievsky nakigtanday sa Kurniawan. 

Ug ang imong Bibliya? 

 Nagpahungaw sa Marcos 15:16-18:8.