Unsaon Pag-Setup og GCASH para sa Magzter.com?

4:39 PM

Kon aduna na moy Debit/Credit Card, dili na ni ninyo kinahanglan niini nga guide. Diretso namo sa Magzter para mag-check-out sa mga isyu. Kon first time pa ninyo mopalit sa Magzter, click lang dinhi. Palita ang bag-ong isyu sa Bisaya sukad nag-pandemiya (October 16-31, 2020). Unsay sulod? Lili-on ta.


Ang GCASH usa ka e-wallet ug virtual debit card nga way pagkakuti, kon mag-apply ka sa credit card o debit card sa banko. Sa usa ka e-wallet, puyde kang maka-padala ug makadawat og kwarta, magbayad sa mga bayronon (sama sa bill sa kuryente, tubig, etc), makapalit og load, mag-shopping o magbayad sa inyong paboritong kan-anan. Sa GCASH, inyo na nga ma-transact ang mga online (ug offline) transactions nga kasagara magpangita og credit card/debit card para maka-transact. Usa niini nga mga transaction mao ang pagpalit og digital nga kopya sa Bisaya Magasin sa Magzter. Ang nakanindot dali lang ang pag-register niini. 

Adunay upat ka pamaagi para makaangkon og account sa GCASH:

1. Pinaagi sa GCASH Mobile App
Kinahanglan una mag-download og GCASH APP.  Para sa mga Android phones, adto lang sa Google Playstore; para sa mga Apple phones, adto lang sa Apple App Store ug i-type: GCASH. Pagbantay sa inyong madownload kay adunay mga clone nga nagpakaaron ingnon GCASH pero dili diay to. Pili-a kadtong app nga binuhat sa Globe Fintech Innovations, Inc.

Human sa pag-download, i-input ang inyong cellphone number (mas dali kon ang numero sa cellphone diin inyong gi-download-an sa app ang inyong gamiton) ug i-click ang "Register". Makadawat mog authentication code sa text, diin inyong gamiton para i-input og balik didto sa app. Isulat ang mga detalyeng gipangita sa inyo apil na ang 4-digit MPIN. Importante ang MPIN kay mao ni ang mag-silbing password o passcode sama sa usa ka card sa banko. 

Andam na ang inyong GCASH account.

2. Pinaagi sa *143# 
Gamit ang inyong Globe nga numero, i-dial ang *143# dayon pili-a ang GCASH ug i-click ang Register Now. Pabuhaton kag 4-digit MPIN ug i-input ang mga detalyeng gipangita sa inyo. Makadawat na dayon ka og mensahe para sa pagpamatuod nga andam na ang inyong GCASH account.

3. Pinaagi sa Facebook Messenger
Sa inyong Facebook o Facebook Messenger, i-search ang @gcashofficial. Click "Message" para mogawas ang chatbox din masugdan ang registration. I-click ang Get Started. Sa lower left nga bahin, click Menu, Account, dayon Create Account.

I-input inyong GLOBE /TM number ug ang pagbutang sa inyong Facebook password. Makadawat kag verification message diin usa ka code ang ihatag para maoy mo-link sa inyong GCASH account.

4. Pinaagi sa GCASH WEBSITE.
Puyde ang pag-access sa Gcash wesbite sa inyong desktop o laptop. Usa ka guide ang mogawas nga maoy motabang para sa pagbuhat og account sa daling pamaagi. Click lang diri para sa pag-access sa GCASH WEBSITE.






You Might Also Like

0 ka komento

Blog Archive